Ish-ministri i Drejtësisë, Ylli Manjani është shprehur me sarkazëm sot ndaj ndëshkimeve më të ashpra që synon të vendosë qeveria Rama në kuadrin e pandemisë dhe e gjitha kjo edhe sipas një rregulli “lesh e li”.
Postimi i plotë
“Sipas të dhënave zyrtare, në 24 orët e fundit: COVID 19 infektoi 24 persona dhe lëshoi si të shëruar 26 të tjerë. Rregulli i virusit është shumë i qartë: nëse infektohesh do shërohesh.
Pushteti i Surrelit dënoi 600 kalimtarë, 217 drejtues mjetesh, 7 të arrestuar. Rregulli i pushtetit lesh e li. Ç’thonë në mëngjes e mohojnë në drekë. Pra më mirë të të zërë virusi se pushteti.
Me kë po luftojmë?! Me virusin apo njëri-tjetrin?! Ndërkohë gjykata (shteti), është pushim…”
