Daily Mail, gazeta me e madhe amerikane shkruan se gjurmët e koronavirusit në ujërat e zeza në Massachusetts janë në nivele më të larta se sa pritej.
Hulumtimet e bëra nga “Biobot Analytics” gjetën më shumë gjurmë të patogjenit sesa pritej në ujërat e zeza, duke marrë parasysh numrin e rasteve të konfirmuara në zonë.
Studiuesit konkluduan se kjo mund të nënkuptojë se ka një numër më të madh të njerëzve të infektuar nga sa mendohej më parë.
Gjetjet sugjeruan se mund të ketë rreth 2300 njerëz të infektuar me virus në rajon. Në kohën kur studimi u mor në mes deri në fund të marsit, kishte 446 raste të konfirmuara në zonë, sipas studiuesve.
Një ekip shkencëtarësh nga startup “Biobot Analytics”, Instituti i Teknologjisë në Masaçusets (MIT,) Universiteti Harvard, Brigham dhe Spitali i Grave testuan ujërat e zeza në një strukturë të trajtimit urban gjatë shtatë ditëve nga 18-25 mars.
Ata gjetën sasi më të larta të virusit sesa parashikohej. Eric Alm, një nga autorët e studimit, i tha Newsweek: ‘Në Biobot, kemi kemi përdorur epidemiologjinë bazuar në ujërat e zeza për të gjeneruar të dhëna mbi krizën e opioidëve në SHBA”.
“Edhe nëse ato grimca virale nuk janë më aktive ose të afta për të infektuar njerëzit, ato akoma mund të mbajnë një material gjenetik që mund të zbulohet duke përdorur një qasje të quajtur PCR (reagimi i zinxhirit polimerazë), i cili amplifikon sinjalin gjenetik duke krijuar miliarda kopje të gjenomit për secilin virus fillestar’.
Shteti i Massachusetts ka 18.941 raste të konfirmuar të sëmundjes shumë ngjitëse, që nga e enjtja. Numri i të vdekurve është 503, njoftoi Departamenti i Shëndetit Publik i Shtetit.
