Drita në fund të tunelit tani fillon të shkëlqejë, nuk është ende afër, por është e dukshme.
Dhe nëse nuk bëhen gabime në llogaritjet e analistëve dhe në sjelljen e italianëve, në atë dritë mund të arrihet midis 5 dhe 16 majit.
Kështu shkruan sot Corriere duke dhënë një lajm shpresëdhënës për përmirësimin e situatës në vendin fqinj, gjunjëzuar prej një bilanci kaq tragjik viktimash nga koronavirusi.
Sipas medias italiane kjo do të jetë edhe periudha kur do të shënohen zero raste me koronavirus, e nuk do të ketë më asnjë të infektuar të ri.
Gjysma e parë e majit. sipas trendeve aktuale në pothuajse të gjitha rajonet e Italisë dhe në të gjitha fushat kryesore të betejës kundër kësaj epidemie, mund të jete dita zero.