Pavarsisht se qeveria ka shpallur gjendjen e fatkeqësisë natyrore dhe ka marrë një sërë masash për ndalimin e përhapjes së COVID 19, minatorët e Bulqizës vazhdojnë punën.
Ajet Iskurti nga Inspektoriati Shtetëror i Shëndetit Dibër, u shpreh për BIRN se pas inspektimeve të bërë në subjektet minerare në zonën e Bulqizës, rezulton se këta të fundit përmbushin kushtet higjieno-sanitare për vazhdimin e punës. Por fotot që një minator i dërgoi BIRN tregojnë se distancat e sigurisë nuk ruhen, ndërsa minatorët ngjishen në grupe në ashensorë e galeri. Fotot iu dërguan BIRN nga një minatorë në galeritë e Albchrome. Nga Sami Curri në Bulqizë./Reporter.al
