Kryeministri Edi Rama, i ftuar në emisionin “Pressing” ka folur për largimin e dy ministrave të tij të Brendshëm, Saimir Tahirit dhe Fatmir Xhafajt. Në fjalën e tij, Rama u shpreh se të gjithë duhet të mbajnë përgjegjësi për “gabimet” e tyre duke përmendur edhe mundësinë e rikthimit të ish-ministrit Saimir Tahiri në qeveri.
Kreu i qeverisë shtoi se të njëjtin qëndrim do të mbante edhe për vëllain e tij, përveçse rastit kur mund të kishte ndërhyrë në ligj për ta ndihmuar atë në shkelje.
“Ai dha dorëheqjen, merreni në intervistë dhe pyeteni. Vëllai im është në jetën e vetë dhe shkeli në dërrasën e kalbur, do përgjigjem unë? Jo mo të përgjigjet vetë, ç’punë kam unë?,”-tha Rama.
PJESË NGA EMISIONI:
Edi Rama: Ministrat janë si anëtarët e bandave. Ministrat zgjidhen nga unë dhe varen nga këmbët e tyre, përgjigjen ata.
PYETJE: Tahiri nuk ishte ministër i zakonshëm.
Edi Rama: Patjetër, ashtu ishte. Tahiri është në një proces. U lincua për shkak të përgjimeve të Policisë italiane. Anti-mafia italiane as që e kishte marrë pjesë të grupit, ndërsa këtu kërkohej lincimi i tij.
PYETJE: Pse e shkarkuat Xhafajn meqë e kishte fajin vëllai?
Edi Rama: Ai dha dorëheqjen, merreni në intervistë dhe pyeteni. Vëllai im është në jetën e vetë dhe po shkeli në dërrasën e kalbur, do përgjigjem unë? Jo mo të përgjigjet vetë, ç’punë kam unë?
PYETJE: Pse nuk e ktheni Tahirin në qeveri?
Edi Rama: S’ka mbaruar procesi gjyqësor.
