Nga Elona Caslli
“ Budallaçkë e vogël” ka qenë një këngë, që ke kënduar në festival shoqja Shkurta. Vendosa ta risjell në vëmendjen tënde dhe të ndërhyj në titull, për të çnderuar shoqen Nexhmije.
-Budallaçkë e vogël, ty të shkon Nexhmija!
Budallaçkë e vogël, me hartimin që ke bërë për nëna Mijen, në ditën e shporrjes nga jeta, nuk ke bërë gjë tjetër, veçse ke vërtetuar përmbajtjen tënde dhe dashurinë tënde pa kushte kundrejt familjes Hoxha.
Budallaçkë e vogël, a e ke hapur ndonjëherë dollapin e nëna Mijes?!
Hape, budallaçkë e vogël! Do të gjesh mijëra skelete brenda atij dollapi!
Apo mos ndoshta e ke hapur Budallaçkë e vogël dhe i ke numëruar kufomat e nëna Mijes?!
Nuk do të më çudiste aspak ky fakt. Madje imagjinoj që mund të keni luajtur me kufomat.
Me pak fjalë, Budallaçkë e vogël, loja e kukullave është zëvendësuar me lojën e kufomave.
I ke thënë nëna Mijes në mëngjes- A luajmë kufomash?!
Dhe nëna Mija, një grua që vinte era gjak, e ka pasur fort në zemër këtë lojë.
Keni ngrënë mëngjes dhe keni luajtur me kufomat deri në mesditë; pastaj nëna Mija duhet të hante drekë.
Me përpikmërinë që nëna Mija vriste fëmijë e të rritur, po me atë përpikmëri ushqehej.
Pastaj, Budallaçkë e vogël, sipas hartimit që ke shkruar, pasdite i bëje foto nëna Mijes.
Këndin e dritës, kush e zgjidhte Budallaçkë e vogël?!
Yt shoq nuk ka qenë për një kohë të gjatë pranë teje. Ka qenë i mbyllur atje, tek ai vendi, ku nëna Mija dërgoi elitën e kombit dhe krijoi Njeriun e Ri.
Ti je Njeriu i Ri, budallaçkë e vogël.
Nëna Mija me siguri të ka premtuar që do ta nxirrte nga ai vend, teksa shkruante kujtimet e xhelates mbi fletën e bardhë.
Nëna Mija, i realizonte të gjitha planet, ke shkruar ti. E realizoi dhe planin për ta nxjerrë nga ai vendi, tët shoq.
Ligjet zbatohen veçse për popullin. Për familjen Hoxha nuk ka ligj.
Budallaçkë e vogël,je nuse tek thertorja e familjes Hoxha!
Ti nuk ke hyrë nuse, në në familje normale. Ke hyrë nuse në një thertore!
Nëse për shqiptarët e ndershëm, kur largohen nga jeta, thuhet- U hapën dyert në shtëpinë e filanit, për nëna Mijen thuhet:
– U hapën dyert e thertores Hoxha.
Post Scriptum- Budallaçkë e vogël, kujdesu kur të bësh kafet tek thertorja Hoxha.Mos abuzo me sasinë e kafes, se mund të ndodhë që të gjykohesh, ashtu siç u gjykua nëna Mija.
![Image may contain: 1 person, outdoor](https://scontent.ftia12-1.fna.fbcdn.net/v/t1.0-0/s526x395/87663407_10216245883407585_3262256746277634048_n.jpg?_nc_cat=107&_nc_eui2=AeF3w-XBD78kQUuI82V9ETyjYRoBPnPvRY7LQEBNTPq59E3h8RWeAQPyrGysxelMury9ur0mVWkPm6Xzzgv5zdRD4JB6e3Ba7YWtwSu_YoBx1Q&_nc_ohc=rYaqB36AClQAX9csIS_&_nc_ht=scontent.ftia12-1.fna&_nc_tp=7&oh=dc10116d410932f92f62cf97bd31666b&oe=5EB5D82E)
![Image may contain: one or more people, shoes and outdoor](https://scontent.ftia12-1.fna.fbcdn.net/v/t1.0-0/p526x296/87809748_10216245883847596_8024200000827293696_n.jpg?_nc_cat=107&_nc_eui2=AeGCng3N8hoTQwqIHtUHEbVcd7cGVX9ZRs9WNdEpgdd5nD0EPMNaSOJNla-XvwKszD97cDJwYlBhJic37WyIjNvMeWL9npU2Dktozi-w3ptE5g&_nc_ohc=g25E6qwbZpAAX9X0pL0&_nc_ht=scontent.ftia12-1.fna&_nc_tp=6&oh=77d0c94aa33d098374d63ad9abac9ae2&oe=5EF286FA)