Një Audi A3 e drejtuar nga një qytetar shqiptar është përmbysur mbrëmjen e së shtunës në Asti të Italisë, në rrugën Duca d’Aosta.
Mbetet ende për t’u kuptuar nëse incidenti erdhi për shkak të ndonjë problemi të papritur shëndetësor apo nëse 30-vjeçari në timon, rezident në Shqipëri, ishte nën efektin e alkoolit apo drogës.
E sigurt është dinamika e incidentit: makina e shqiptarit u kthye përmbys pasi goditi anësoret e dy makinave të tjera të parkuara në rrugën me një drejtim.
Drejtuesi u transportua në urgjencë, por ende nuk ka njoftime për gjendjen e tij shëndetësore.