Ish-deputei demokrat Gent Strazimi ka publikuar materialin e televizionit shtetëror Italian RAI 3 që bëhej fjalë për parcelat e mbjella me lëndë narkotike në Shqipëri.
RAI 3 prezantoi një reportazh ku tregonte se në Shqipëri kultivimi i kanabisit ka njohur rritje nga viti në vit.
Sipas Strazimirit, raporti është ende konfidencial dhe i referohet vrojtimit ajror të anti-mafias italiane dhe në pamjet e marra nga ajri.
Ish-deputeti i PD-së në fund të postimit nxjerr konkluzionin se “po afrohen zgjedhjet dhe çunat duhet të punojnë”.
Reagimi i Strazimirit:
SË SHPEJTI paskemi … “ZGJEDHJE” !!!
Sipas RAI 3, raporti i cili është ende konfidencial i referohet vrojtimit ajror të anti-mafias italiane.
Përmban:
– pamje marrë nga ajri madje edhe me numërim rrënjësh të mbjella,
– farën vietnameze tē kultivuar për të rritur rendimentin për çdo rrënjë të mbjellur,
Si dhe…
… intervistën e kreut të Policisë Kriminale shqiptare që tregon se si “është çrrënjosur fenomeni i mbjelljes së kanabisit që në…. 2014…”???!!!
Në fund mbyllet me prokurorin italian, i cili tregon se sa e pakontrollueshme, e fuqishme, e pasur, e frikshme, është “mafia shqiptare” …. aq sa po tremb edhe vetë vendin e mafias: ITALINË!
KONKLUZIONI?
Po afrohen ZGJEDHJET, dhe “çunat duhet të punojnë”!
KAQË!
