Një e moshuar ka humbur jetën gjatë ditës së djeshme në fshatin Kallarat të Himarës, si pasojë e një zjarri që ka rënë në banesën e saj.
Burime bëjnë me dije se gruaja që ka humbur jetën ka qenë 85-vjeç dhe jetonte e vetme në banesë në momentin kur ka rënë zjarri, pasi fëmijët e saj gjendeshin në punë.
Pavarësisht përpjekjeve të fqinjëve, për ti ardhur në ndihmë, reagimi ka qenë i vonë, dhe kjo ka bërë që e moshuara të humbasë jetën.
Policia po vijon hetimet lidhur me shkaqet e rënies së zjarrit, ndërsa paraprakisht thuhet se ngjarja ka qenë aksidentale.
Zjarrfikësja nuk ka shkuar dot në vendngjarje, pasi banesa ndodhet disa orë larg stacionit më të afërt.