Policia ka shpallur në kërkim një 35 vjeçar i dyshuar se ka masakruar me leva bashkë me të tjerë, një shtetas, i cili ndodhet në spital në gjendje të rëndë për jetën.
Bëhet fjalë për Mariglen Hoxhallari, me detyrë punonjës në Gardën e Republikës.
Hoxhallari po kërkohet, pasi është vendosur nën hetim për vrasje me dashje të mbetur në tentativë.
Si rezultat i hetimeve të deritanishme, punonjësi i Gardës bashkë me persona të tjerë kanë sulmuar dhe kanë qëlluar shtetasin Ismet Llesho.
Burime bëjnë me dije se sherri ka nisur për motive të dobëta dhe nuk ka lidhje me detyrën e 35-vjeçarit Hoxhallari.
