Gjykata e Durrësit ka komunikuar sot masën e sigurisë për personat e arrestuar në lidhje me hetimet pas tërmetit të datës 26 nëntor, ku humbën jetën 51 persona.
Seanca ka zgjatur për më shumë se 4 orë, ndërsa ka pasur humbje ndjenjash nga familjarët, të cilët nuk e pranuan vendimin për të afërmit e tyre.
Çfarë vendosi sot Gjykata e Durrësit:
Arben Isaku, 42 vjeç, ish-drejtor i ALUIZNI-it Durrës, arrest me burg
Klajdi Lame, 32 vjeç, inspektor i Inspektoratit Ndërtimor Urbanistik Durrës, arrest me burg
Albrend Qetka, 35 vjeç, specialist në terren pranë ALUIZNI-it, Durrës, arrest me burg
Kujtim Hasa, 53 vjeç, shefi i shërbimeve të shtëpisë së pushimit të Ministrisë së Brendshme, arrest me burg
Ahmet Doda, 52 vjeç, drejtor i shtëpisë së pushimit të Ministrisë së Brendshme, arrest me burg
Rruzhdi Xheka, 79 vjeç, ndërtues i “Hotel Mira Mare”, arrest me burg
Avdulla Osmani, 61 vjeç, ndërtues “Hotel Tropikal”, arrest me burg
Defrim Celami, 44 vjeç, specialist i ALUIZNI-t, arrest me burg
Nevjana Isufi, 45 vjeçe, pronare e një studio projektimi, arrest me burg
