Hermes Nikaj përfundoi në prangat e policisë në kushtet e flagrancës nën akuzën e prostitucionit dhe shfrytëzimit të prostitucionit.
Sipas policisë, ai rekrutonte vajza dhe më pas ua dërgonte klientëve nëpër hotele ose në banesa kundrejt shumave deri në 200 mijë lekë për dy orë, ndërsa fitimet në natë për grupin shkonin deri në 700 euro.
“Nga hetimet e deritanishme të kryera nga rezulton se shtetasi H. N., siguronte femra të ndryshme për klientë të interesuar për prostitucion, duke i dërguar ato në banesa ose hotelet sipas kërkesave të klientëve kundrejt përfitimit monetar që varionte nga 10.000 deri 20.000 lekë për 2 orë”, sqaron Policia.
Pak ditë më parë, në një intervistë për “Panorama Plus”, Nikaj i njohur si Zogu i Tiranës foli edhe për jetën e luksit, duke deklaruar se udhëtonte edhe në Dubai.
“Luksi është pjesë e jetës sime, unë nuk bëj dot pa të. Nuk mund të them më shumë, por e shijoj jetën në maksimum edhe me udhëtimet nga Greqia, në Dubai”, deklaroi ai
