Nga Anduena Llabani
Njerëzit e rëndësishëm i rrinë pranë dhe polica jashtë dhomës.
Një plumb kallashnikovi i ka prekur krahun e djathtë dhe një devijim i vogël mund ti kishte shkaktuar humbjen e tij.
I rrethuar nga njerëz të besuar të cilët kontrollojnë çdo hyrje-dalje në repartin e ortopedisë, Arjan Ndoja ndihet i sigurt. Në fytyrë ka të dukshme shenjat e nxirjes së syrit dhe gërvishtjet në ballë.
Por Ndoja duket i fortë.
I vendosur dhe me një të vërtetë të madhe, për të cilën thotë se do të flasë një ditë. Ka preferuar të heshtë… madje heshtjen e ka argumentuar deri tek detajet..
S’ka preferuar të mbajë televizor në dhomë, duke kërkuar t’ia heqin, madje as telefon celular. Nuk pranon askënd ti flasë për atë çka shkruhet për ngjarjen e madje as për mikun e tij të mbetur të plagosur ne atentatin e 1 Nëntorit.
Pranon se ka punuar dhe se nëse është goditur Arjani si prokuror, ka rënë shteti.
Arjanin e gjejmë të shtrirë në shtrat.
Ajo që të bie në sy është jo vetëm vigjilenca e njerëzve që e rrethojnë, por edhe marka ‘Pier Cardin’ me të cilat e ka kompletuar shtratin e tij.
Çdo gjë është sjellë nga familjarët duke e kthyer dhomën 12/B të ortopedisë në dhomën VIP.
Sot Arjan Ndoj është nën survejimin e mjekëve … nesër pritet të hetohet … për dosjet e hetuara, vendimet e marra dhe shoqërimet me persona të emetuar si ‘kriminel’…