Në opozitën e emëruar nga Edi Rama në kuvend, duket se ka plasur sherri.
Sot në një mbledhje të fshehtë, disa deputetë kanë vendosur shkarkimin e Rudina Hajdarit nga kryetare e grupit parlamentar të vetëquajtur ‘demokrat’.
Por ky vendim duket se është marrë në fshehtësi nga deputetët dhe ka sjellë edhe përplasjet e para.
Një nga deputetët e emëruar nga Rama, Halit Valteri e ka kundërshtuar zgjedhjen e Korab Litës në krye të këtij grupit parlamentar dhe i ka bërë një letër Gramoz Ruçit.
Valteri thotë se tërhiqet nga firma që ka vendosur aty dhe deklaron se nuk është marrë asnjë vendim për të ndryshuar drejtimin e grupit.
Valteri ‘kërcënon’ se nëse njihet kreu i ri i grupit, ai do të tërhiqet së bashku me kolegë të tij dhe do të dalin deputetë të pavarur.
