Analisti Ilir Demalia ka sjellë në kujtesë një shkrim të At Gjergj Fishta, duke paralelizuar situatën aktuale politike të vendit…
Nga At Gjergj Fishta
Prit se çka po bjen nana-vida Europë
-Nē Shkodër punët si një herë, një herë: rrena, pluhun a baltë, kuaj e katana, muzika, peca e…”Rrofte Shqipnia!” sa te duesh; por punë, pa te cilat s’ka si rron Shqipnia, pak e aspak. Gjindja janë ndejë hijeve pa punë, tue pritë me gojë hapët, si zogj pëllumbash, pase çka po u bje nana-vida Europe; por…për një herë…prit Zot, vec mizat; pse, (me c’andrra po shihen), vonë e vonë, u shqyen gurmazësh, tue fole për Shqipni e tue punue për vete, por c’dobi! Për Shqipni s’po ka punë e për atdhetarë s’po ka pare. Pazari i Shkodrës asht ba tamam Club me pi kafe e me ca llafe…politike. Oh po! Për politikë mos pyet! Këtu politike sa të duesh. Pa pase nxane gja politikë, cdo kopuk do me dalë Bismark: pa iapasë ndie emnin strategjisë, çdo kulifickan i keq, ba prej lëngatës mos me u gjete qen qe me hanger, flet, more djalë, për punë lufte si me qenë njê Velington, nje Napoleon, nje Moltke, Togetof a Togo, që me ta ba kryet për voe. Por, ele, me tē qitë rreziku me neje me ndonje asish, qe ka pa anderr se asht i dijshem, prej se, kur pati qenë në shkollë, ka pasë shqye ndonje kartel a thye ndonjë tabelë, ateherë, po, se nuk i di maje vetes, kaq dijen e filozofinëbe politikën e madhe qe pështyn prej goje. Ta ndan shekullin fele-fele, si me qenë tue nda njē shalqi Stajk, i ngatërron e i shkatërron krajlat shok me shok, me të vojte mendja se ateherë po kërset lufta e po bahet nami; por, kur fundi, vec n’i kriste zorra në bark atij prej së thati, se kurrkush s’lot vendi.
E tue qenë që këtu rregullohet politika, jo mbas interesash të vendit, por mbas leverdisê së secilit, cdo punë që ndodh, kaq dredhet e shpërdridhet, e shtohet e vogelëlohet e zbukurohet, sa mos me mujte ma me dite se çka asht rrene, se çka asht e vërtetë Prandaj kësaj here s’po veme lajme Shkodre; pse druem se vihemi në rrezik me thanë ndonje rrenë: çka kishte me qenë kunder amtyres së përkohshmes sonë.
