Në një dekadë prostitucioni është rritur me 28% dhe ka arritur në 4 miliardë euro në vit ndërsa numri i klientëve është 3.5 milion.
Kështu e nis artikullin gazeta ‘La Stampa’ ditën e sotme.
Gjithashtu gazeta ka përmbledhur biznesin e prostitucionit në Itali me anë të një grafik ku ka shpjeguar mekanizmin e rekrutimit dhe shfrytëzimit të prostitucionit që është në gjendje t’i shpëtojë kontrolleve.
Një organizim gjithnjë e më i efektshëm dhe i pamëshirshëm, i justifikuar nga rritja e fitimeve.
“Në fillimet e tyre, shqiptarët, kishin nga një vajzë që e gënjenin dhe e shfrytëzonin më pas si prositutë, pastaj ata mësuan teknika më të ndërlikuara dhe komplekse të manipulimit dhe tani ata arrijnë të menaxhojnë më shumë se një vajzë.
I tregojnë të njëjtën histori secilës prej tyre, e ato mashtrohen. Në këtë moment, i fusin ato në apartamente të ndara”, shkruajnë mediat italiane.
Në artikull shkruhet gjithashtu se në të gjithë Italinë numërohen 120 mijë skllave seksi që shumica e tyre kontrollohen nga shqiptarët.
