Një super operacion policor është zhvilluar për gjatë gjithë natës së mbrëmshme dhe orët e para të mëngjesit të sotëm në gjithë Gjermaninë, me synim goditjen e mafies shqiptare. Lajmin e jep gazeta më e madhe gjermane, BILD, e cila njofton se në orën gjashtë të mëngjesit, forcat speciale kanë nisur një operacion kundër krimit të organizuar në vendin e tyre. Njoftohet se komandot speciale e kanë nisur operacionin në rajonin e Oberhauzenit. Qëllimi i policëve elitarë, të armatosur rëndë, është mafia shqiptare e drogës, shkruan gazeta.
“Me tokmakë dhe sharra elektrike, ata kanë hapur dyert me shpejtësi. Të dyshuarit nuk kishin asnjë shans për të reaguar”, shkruan gazeta. Qëllimi i policisë ishte që të siguronte prova të bollshme.
Deri më tani thuhet se janë tetë të arrestuar. Policia thotë se ka siguruar të paktën tre kg drogë.