Ndërsa në Gjykatën e Tiranës vijon seanca për masat e sigurisë për 15 biznesmenët e arrestuar për skemë mashtrimi me faturat e tatimit të vlerës së shtuar (TVSH), policia ka arrestuar një tjetër biznesmen.
Bëhet fjalë për Drilon Baretin, me detyrë administrator i subjektit “E.B.A. NDERTIM shpk”, i cili është arrestuar në kuadër të operacionit “Informaliteti”.
Ai dyshohet se ka konsumuar elemente te veprave penale të “Krijimi i skemave mashtruese lidhur me tatimin mbi vlerën e shtuar”, “ Falsifikimi i vulave, stampave ose formularëve” dhe “Fshehje e të ardhurave”.