Pas disa njoftimeve të njëpasnjëshme të Policisë së Shtetit sot për arrestimin e disa personave të arrestuar nga Interpoli, ish-ministri i Drejtësisë Ylli Manjani ka dalë në një konkluzion.
“Këta që arrestohen si të kërkuar nga Interpol, për llogari të drejtësisë së shteteve të huaja, duhen mbajtur mend. Në zgjedhjet e ardhshme do të jenë kandidatë!
Nga ana tjetër më çudit fakti që si ka mundësi që i kanë shpëtuar Rilindjes në këto votimet e fundit?!”
Manjani kësisoj nuk ka lënë pa e gërvishur edhe më tej, atë gangrenë që po gërryen Partinë Socialiste dhe qeverinë e Edi Ramës, që po hedhin vazhdimisht në politikë persona me të kaluar kriminale. Rastet më të freskëta janë “kryebashkiakët” e Shkodrës dhe Vorës.
