Gjykata për Krime të Rënda ka dhënë masën e sigurisë “arrest me burg” për tre vëllezërit dibranë, të arrestuar dy ditë më parë, nën akuzën e gjobëvënies.
Vëllezërit Xhekson, Eurgen dhe Alert Tiniti janë arrestuar pasi i kishin vënë gjobë 50 mijë euro një biznesmeni.
Ata e kërcënonin atë dhe familjarët e tij me jetë, se nëse nuk paguante 50 mijë euro, do e vrisnin bashkë me familjen.
“Vëllezërit në bashkëpunim me njëri-tjetrin, kanë tentuar t’i marrin në formë gjobe një shumë prej 50 mijë euro një shtetasi, nëpërmjet kërcënimeve të vazhdueshme për jetën e tij dhe të familjarëve”,, – tha policia
