Një shtetas shqiptar me inicialet V.H 26 vjeç është dëbuar nga territori italian si person me rrezik për sigurinë kombëtare, simpatizant i Shtetit Islamik ISIS e i lidhur me organizata terroriste.
26-vjeçari shqiptar për 15 vite rresht nuk mund të hyjë më territorin italian e as në territorin e vendeve anëtare të Bashkimit Evropian.
Ai ka mbërritur pak orë më parë në Shqipëri me një fluturim të linjës Milano-Tirana. Shqiptari V.H u ndalua në provincën e Bellunos ku strehohej tek disa familjarë të tij. Prej vitit 2014 ishte vënë nën vëzhgimin e antiterrorizmit italian.
