Nga 1 Qershori deri sot, rajoni i Korçës është lëkundur nga rreth 3 mijë tërmete.
Teksa qytetarët në juglindje të vendit i ka kapluar ankthi dhe frika, korçari më i famshëm Ilir Vrenozi jep arsyen e tij, pse qyteti i Serenatave po lëkundet kaq shpesh nga lëkundjet sizmike.
Gjatë ditës së djeshme, rajoni i Korçës u godit nga disa tërmete, ndërsa shumë qytetarë e kaluan natën jashtë
Përmes një videoje, Vrenozi tregon se, kryebashkiakët socialistë të Korçës, Niko Peleshi e Sotiraq Filo, shkelën mbi kishën e Shën Gjergjit për të ngritur Bibioletën e qytetit.
“Para ca kohësh, këta komunistët, morën kishën e Shën Gjergjit, nuk e bënë, por e shtruan poshtë, në pedonale, para bashkisë së re, dhe kalojnë njerëzit e shkelin. E kanë pikturuar dhe kalojnë njerëzit e shkelin. Është tmerr. Ata janë komunista. Mendojnë si ti bëjnë keq fesë. Urgjentisht ngrijeni Shën Gjergjin siç ishte se do na mbysë Zoti me tërmete”, thotë Vrenozi.
