Ish-deputeti i Lëvizjes Socialiste për Integrim, Përparim Spahiu, ka denoncuar skandalin me fletët e votimit në Bulqizë. Sipas Spahiut, “fletët e votimit nuk janë në KZAZ por në zyrat e Partisë Socialiste dhe kjo përbën “shkelje flagrante e kodit zgjedhor”.
Përmes një postimi në rrjetet sociale, Spahiu shton se: “ky denoncim vlen për vëzhgues të ndryshëm ndërkombëtarë pasi ne kombëtarët e kemi shumë të qartë që këto janë zgjedhje moniste dhe pa asnjë vlerë ligjore por dhe morale.”
Në vijim postimi i plotë i Spahiut:
Shkelje flagrante e kodit zgjedhor në Bulqizë.
Fletët e votimit nuk janë në KZAZ por në zyrat e Partisë Socialiste, fakt që vërtetohet nga dy fotot e para gjatë ngarkimit sot në mëngjes.
Në foton e tretë makinat janë në pritje për tu shpërndarë në qëndrat e votimeve.
Mbase ky denoncim vlen për vëzhgues të ndryshëm ndërkombëtarë pasi ne kombëtarët e kemi shumë të qartë që këto janë zgjedhje moniste dhe pa asnjë vlerë ligjore por dhe morale.
Turp i madh..!!!!