Jemi në një proces, dhe besoj të gjithë aktorët politikë, duhet të jenë në një proces, për të çtensionuar situatën politikën dhe gjetjen e zgjidhjes së një krize që po thellohet. Kështu u shpreh kreu i PDS-së, Paskal Milo, pas takimit me Presidentin Ilir Meta.
Milo tha se refuzimi që Edi Rama i bëri ftesës së Presidentit është një çështje që i takon Kryeministrit, ndërsa apeloi për gjetjen e një rruge që siguron zgjidhjen më të mirë kundrejt një situate që po agravon.
“Duhet gjetur një zgjidhje sa më shpejt që të jetë e mundur. Palët duhet të ulen”, tha Milo, duke shtuar se i takon Presidentit të vendosë për datën e re të zgjedhjeve.
