Komisioni i Pavarur i Kualifikimit përjashtoi nga sistemi i drejtësisë kryetarin e Gjykatës së Apelit Shkodër, Fuat Vjerdha. Gjyqtari që votoi kundër në vendimin që shpëtoi Dritan Dajtin nga burgimi i përjetshëm, u shkarkua nga detyra, si i papërshtatshëm për sistemin gjyqësor. Shkak për largimin e tij nga detyra u bënë problemet me justifikimin e pasurisë.
Të njëjtin fat pati edhe kryetarja e Gjykatës së Tiranës, Enkeledi Hajro. Argumentet e paraqitura nga Hajro për disa pasaktësi në deklarimin e pasurisë nuk bindën komisionerët, të cilët vendosën shkarkimin e saj nga detyra.
