Kandidati i pavarur për Bashkinë e Lezhës, Eduart Ndocaj, me anë të një video në mediat sociale u ka bërë thirrje të gjithë lezhianëve që të denoncojnë vjedhjen e votave.
Ndocaj shprehet se Rilindja ka 6 vite që vjedh qytetarët, por ai këtë herë nuk do i lejojë më. Ai fton qytetarët që të bëjnë publik çdo rast kur partitë politike u ofrohen për të blerë votën.
Në këmbim të çdo videoje ai do u jap qytetarëve nga 5 mijë Euro. Por Ndocaj thotë se nëse në video duke bërë pazare për votat do të jetë i përfshirë dhe Pjerin Ndreu ai do t’i paguajë me 50 mijë euro.
