Degjeneron në të shtëna armësh e të plagosur sherri mes një familjeje italiane dhe një shqiptare në vendin fqinj.
Mediat italiane raportojnë se marrëdhëniet mes dy familjeve ishin tensionuar së shumti kohët e fundit, ndërkohë që në sherrin e fundit është përdorur armë zjarri.
Ngjarja ndodhi në mbrëmjen e së dielës në “Prata Goivine”, ne Itali. Sipas policisë, burri italian ka rrëmbyer armën gjatë sherrit, tentoi të qëllonte shqiptarin, emri i të cilit nuk bëhet i ditur.
Plumb ka kapur një italian tjetër, duke lënë atë të plagosur rëndë, ndërkohë që në krah u plagos gruaja e shqiptarit.
Në ndihmë ndërhyri një familje tjetër, e cila njoftoi policinë, ndërkohë që të plagosurit u transportuan në spital.
Gruaja shqiptare nuk ka rrezik për jetën, kurse italiani ndodhet në gjendje kritike, sipas mjekëve.
