Skënder Hoxha, pasi ai pranoi se kishte masakruar bashkëshorten e tij, është arrestuar nga Policia e Tepelenës
NJOFTIMI I POLICISË:
Tepelenë.
Zbardhet ngjarja e ndodhur në fshatin Vagalat në Tepelenë.
Arrestohet në flagrancë 63 vjeçari pasi vrau bashkëshorten.
Pas njoftimit të marrë se shtetasja A.H., banuese në fshatin Vagalat, Bashkia Memaliaj, u gjet nga familjarët e pajetë në banesë, me dëmtime në kokë, menjëherë u ngrit grupi hetimor ku në bashkëpunim Prokurorinë kryen veprimet e para procedurale.
Në përfundim të veprimeve të para hetimore, Specialistët e Stacionit të Policisë Memaliaj nën drejtimin e Prokurorisë së Rrethit Gjyqësor Gjirokastër bënë arrestimi në flagrancë të shtetasit S.H., 63 vjeç, i cili ka vrarë bashkëshorten e tij, shtetasen A.H., 53 vjeçe.
Materialet i kaluan Prokurorisë për hetime të mëtejshme.
Një 53-vjeçare është masakruar në dhomën e gjumit në fshatin Valagat në Memaliaj. Antoneta Hoxha, është gruaja e vrarë. Pas disa orësh pyetësor në polici, burri ka pranuar krimin. Ai ka thënë se e ka goditur gruan me levën e kazanit të rakisë. Pasi e ka goditur, ajo ka qenë ende gjallë dhe ka kërkuar ndihmë nga i shoqi, por ai e ka lenë të vdekur. Fqinjët që e gjetën të pajetë thanë se ata ishin një familje e qetë, ndërkohë që gruaja është gjetur e mbuluar në gjak.