Seanca parlamentare e ditës së sotme ka nisur me tensione.
Ka qenë deputeti i Partisë Demokratike, Edi Paloka, i cili i ka gjuajtur me bojë stilolapsi kryeministrit Edi Rama.
Rama nuk reagoi, por tundi kokën dhe pa mikrofon i tha “o plehrë”, pasi i hodhi bojën e stilolapsit.
Pas këtij momenti kryeparlamentari Gramoz Ruçi, ka kërkuar përjashtimin nga seanca të deputetit demokrat.
Boja e stilolapsit Ramën e ka kapur në ballë, ndërsa pas rezistencës së Palokës,për mos të dalë nga salla, Ruçi ka kërkuar që forcat e sigurisë të ndërhyjnë për ta nxjerrë.
E gjithë kjo skenë ka ndodhur në sy të kryetarit të Kuvendit të Maqedonisë Talat Xhaferri. Ky i fundit ishte i ftuar në Kuvend në një moment të konsideruar historik të votimit të protokollit për anëtarësimin në NATO të Maqedonisë.
