Studentët për shakak se nuk kanë asnjë përgjigje nga qeveria për ndryshimin e Ligjit të Arsimit të Lartë kanë vendosur të ngujohen në fakultetet përkatëse, por ndërsa ata janë ngujuar dhe bojkotojnë, ka edhe një grup tjetër studentësh që kërkojnë fillimin e mësimit.
Sot tek Fakulteti i Drejtësisë, studentët e ngujuar janë përplasur me ata që kërkojnë rikthimin në mësim. Ata akuzojnë njëri-tjetrin për dhunë, ndërsa në redaksinë e Faxweb.al ka mbërritur një denoncim nga një studente, e cila akuzon kolegët që kërkojnë mësim se kanë ushtruar dhunë ndaj saj. Ajo tregon për të vërtetuar këtë të nxirat në pjesë të ndryshme të trupit, që sipas saj kanë ardhur pasi është goditur me karrige e banka.
