Deputetja e Partisë Demoratike Dhurata Çupi ka komentuar në një shenim në faqen e saj në facebook vendimin e kreut të qeverise për të deleguar kompetencat e ministrit të jashtëm tek zevendësi i tij.
“Shqiptarët nuk kanë pse çuditen kur shohin kryeministrin e tyre që ka frike të mbajë përgjegjësi për veprimet e tij duke ia deleguar ato vartësve sic bëri me zëvendësin e tij në Ministrinë e Jashtme”, shkruan Çupi në postimin e saj duke shtuar se “asnjë përgjegjësi nuk mban Edi Rama për gjithçka shkatërroi në këtë vend 5 vitet e fundit”.
Ja postimi i plotë i deputetes së PD:
Kryeministri unik pa përgjegjësi, e tremb firma e tij e korruptuar.
Shqiptarët nuk kanë pse çuditen kur shohin kryeministrin e tyre që ka frike të mbajë përgjegjësi për veprimet e tij duke ia deleguar ato vartësve sic bëri me zëvendësin e tij në Ministrinë e Jashtme.
Kryeministri është rekordmen i frikës së veprimeve të tij.
Edi Ramën e kanë parë shqiptarët gjthmonë në formatin e njeriut që smerr përgjegjësi por ua delegon vartësve të tij .
Kur ishte kryetar bashkie delegonte firmë. te zëvendës kryetarët, e përmes këtij veprimi ai betonizoi Tiranën , dha tendera e prona publike,
Kur u bë kryeministër të gjitha VKM i ka firmosur zëvendëskryeministri i radhës pasi ka frikë të mbajë përgjegjësi për koncesione e PPP.
Asnjë përgjegjësi nuk mban Edi Rama për gjithcka shkatërroi në këtë vend 5 vitet e fundit.
Të gjithë ata që i ka përdorur, sot nuk janë më në detyrat e tyre, e kështu do të ndodhë edhe me Ministrin e Jashtëm të komanduar prej tij.
