Në mbështetje të studentëve është edhe pedagogu Romeo Hanxhari. Në një intervistë për Ora News, ai tha se kërkesat e studentëve janë legjitime, por u shpreh se nuk e kuptonte këmbënguljen e kryeministrit.
Romeo Hanxhari: Ne i kemi përkrahuar studentët. Nëse ka kauza studentore do të thotë që aty ka shumëçka që nuk shkon. Këto ditë kam folur me studentët e mi. Me kanë treguar shumë kushte të vështira.
Në tërësi kërkesat e studentëve janë legjitime. Mendoj se është një zvarritje e kotë nga kryeministri për të mos i zbatuar, një këmbëngulje që nuk mund ta zbërthej.
Disa çështje të tilla me rëndësi kanë përparësi mbi gjithçka tjetër.
Unë mendoj që kauza e studentëve ka fituar. Ato kërkesa do të zbatohen, madje dhe më shumë.
