Nuk kanë të reshtur gjatë ditës së sotme, tentativat e qeverisë për ta përçarë dhe fashitur protestën e studentëve. Më e fundit është shkresa gjoja zyrtare që u hodh në rrjetet sociale dhe u publikua nga mediat si e tillë, drejtuar Kuvendit dhe Kryeministrit.
Por, ja tek vjen reagimi i fuqishëm i studentëve ndaj asaj që ata e quajnë “Fake News”.
Studentët protesTues kanë kërkuar të bëhet e ditur se letra e mëposhtme e shkruar me dorë është e vetmja që është protokolluar dhe i është drejtuar Ministrisë së Arsimit.
Vëreni ndryshimin:
LETRA ORIGJINALE E SHKRUAR ME DORE:
Data: 07. 12. 2018
Kërkesë
Drejtuar: Ministrisë së Arsimit dhe Sportit
Ministres së Arsimit dhe Sportit, znj. Lindita Nikolla
Lënda: Kthim përgjigje me shkresë zyrtare
1- Përgjysmim i tarifës së studimit
2- Rritja nga 10% në 50% e peshës totale të votës së studentëve për të zgjedhur kandidatët për dekan/rekrut dhe pritja e përfaqësisë së studentëve në senatin akademik me 20%.
3- Mbështetur në nenin 99, mbi Këshillat Studentore, Ligji i Arsimit të Lartë, pika 2 kërkon që bordi i Administrimit të IAL-ve të ketë numër të barabartë votash nga Ministria e Arsimit dhe Sportit dhe IAL-ve dhe të shtohet një përfaqësues në këtë bord nga studentët
4- Mbështetje e studentëve për kërkim shkencor
5- Mbështetje e studentëve të doktoraturës me fonde për kërkimin shkencor
6- Përmirësimi i kushteve të konvikteve të universiteteve
7- Dyfishim i buxhetit për arsimin e lartë
8- Pajisja e të gjithë studentëve me kartën e studentit brenda vitit akademik 2018-2019
Presim përgjigje zyrtare me shkrim deri në orën 14:00
Kërkesa drejtohet nga Këshillat Studentore.
DHE LETRA E RREME:
