Ndonëse shkolla sapo ka nisur, gjimnazi “Shaban Çollaku” në Klos do të qëndrojë i mbyllur për 5 ditë.
Urdhëri është dhënë nga Instituti I Shëndetit Publik pas një inspektimi të bërë në ambientet e kësaj shkolle ndërkohë që njoftimi është bërë publik nga Ministria e Arsimit.
Ata kanë konstatuar probleme me godinën sa i përket kushteve higjienike.
Lind pyetja, gjatë 3 muajve të verës pse ky institut nuk ka kryer asnjë inspektim në godinën e kësaj shkolle por kujtohen ditën e dytë të fillimit të vitit të ri shkollor?
Kush mban përgjegjësinë që nxënësit e kësaj shkolle do të qëndrojnë 5 ditë pa mësim?
Masa urgjente e marrë parashikon “Mbylljen e shkollës” nga data 17 shtator 2018 deri me datën 22 shtator 2018.
