Ashtu siç ishte paralajmëruar edhe më parë para disa minutash ka mbërritur në Gjykatën e Vlorës, masakruesi i 10 Gushtit, Ritvan Zykaj, 24 vjeçari i cili pritet të njihet me masën e sigurisë.
Disa prej personave që kanë ardhur në ambjentet e Gjykatës, kanë postera në dorë me mbishkrime:
Dënim me Vdekje. Jo vetëm kaq, Ritvani është bërë “shkak” për të risjellë edhe njëherë vëmëndjen ndaj krimeve të rënda të ndodhur në Vlorë.
Gazetarët janë lejuar që të hyjnë në sallën e seancës plenare dhe i kanë drejtuar disa pyetje tek të cilat Ritvani nuk ka dashur që të përgjigjet, madje nuk ka shprehuar asnjë pendesë nga akti makabër.
Gazetarët e kanë pyetur: Përse i vrave, po fëmijët pse i ke vrarë, thuaj ndonjë gjë, i janë drejtuar gazetarët e gjendur në seancë.
Mediet janë lejuar të t’i bëjnë foto dhe video Ritvanit i cili gjendet tashmë në fokus të të gjithë shoqërisë shqiptare për masakrën që bëri.
PAMJET VIDEO
