Një sherr me thika ka ndodhur disa minuta më parë në lagjen ‘Pavarësia’ në Vlorë. Ngjarja e rëndë ka ndodhur në katin e 6-të të një pallati, ku janë përfshirë dy komshinj.
Dyshohet se gjatë konfliktit me armë të ftohta ka dhe persona të plagosur. Shkak për zënkën është bërë një vend parkimi. Menjëherë në vendngjarje ka mbërritur policia, e cila ka shoqëruar autorin, dhe po punon për zbardhjen e ngjarjes.
