Pas vendimit të presidenti Ilir Meta për të mos dekretuar ligjin për shembjen e Teatrit Kombetar dhe rikthimin e tij në Kuvend, ka ardhur reagimi i parë nga PD.
Përmes një postimi në Facebook, deputeti Tritan Shehu thotë se vendimi i presidentit Meta është racional dhe i argumentuar mirë.
“Nje vendim racional e i pergjegjshem i Presidentit Meta, shume mire i argumentuar ky, per te kthyer ne Kuvend ligjin arbitrar, klientelist, qe godet vlerat tona kombetare, vecanerisht ato te lidhura me trashegimine Perendimore e Italiane, fatkeqesisht dhe aktualisht te paketa keto ne vendin tone.
Nje ligj ky qe jo vetem na largon nga Europa per varferimin e ketyre trashegimive, por edhe pse bije ndesh me parimet e BE, te pranuara nga ne. Debati perseri eshte i hapur tashme!”- shkruan Shehu.
