Media greke kanë raportuar këtë të hënë për vdekjen e një të riu shqiptar në pjesën veriore të vendit fqinjë, pasi u godit nga rrufeja.
Natën e së shtunës, një bari 22-vjeçar me shtetësi shqiptare u gjet i pajetë në Eordea, Kozani. Kufoma e të riut u konstatua nga një tjetër shqiptar, raporton media greke “Zogla”.
Disa orë më vonë, edhe një grek mbeti i vdekur pasi u godit nga një rrufe në periferi të Selanikut, sipas të njëjtave burime.
