Të tjera detaje zbulohen lidhur me sherrin që ndodhi një ditë më parë në kryeqytet mes tre të rinjve.
Mësohet se përplasja ndodhi jashtë ambientit të një lokali në zonën e Unazës së Re, ku tre persona kanë qëlluar me thikë një çift të fejuarish.
Policia beson se sherri ka nisur se njëri nga tre agresorët, ka ngacmuar të fejuarin e Altin.M, Klaudian kur ishin Brenda në lokal.
Ndërsa çifti niset të largohet, tre personat dyshohet se kanë dalë jashtë duke i ngacmuar sërish dhe si pasojë 27-vjeçari është përgjigjur.
Gjatë konfliktit, një nga tre të rinjtë ka nxjerrë një thikë dhe ka plagosur Altinin. Në sherr është përfshirë edhe e fejuara e tij Klaudia, e cila duke tentuar t’i ndante ka përnfunduar edhe vetë e plagosur. Dy të lënduarit u dërguan në Spitalin e Traumës dhe ndodhen jashtë rrezikut për jetën.
Tre personat që akuzohen për plagosjen e çiftit në Tiranë, janë kapur dhe shoqëruar në ambientet e policisë. Të ndaluarit janë H.N, Ç.Sh dhe F.P, të cilët akuzohen për plagosjen. “Më datë 06.05.2018, rreth orës 15:00, në zonën e Unazës së Re, si pasojë e një konflikti të ndodhur jashtë një lokali, kanë mbetur të plagosur me mjet prerës (thikë) shtetasi A. M., rreth 27 vjeç dhe e fejuara e tij, shtetësia K. K., rreth 23 vjeçe.
Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jetën.
Është identifikuar autori dhe po punohet për kapjen e tij.”, njoftonte policia një ditë më parë.
