Një shqiptar 30-vjeçar, rezident në Riva Ligure, provinca e Imperias, 100 kilometra larg Genovas, është arrestuar nga policët e komisariatit të Sanremos, pasi i janë gjetur 30 kilogramë drogë:
hashash, marijuanë dhe 1 kile kokainë.
Ishin fqinjët e shqiptarit që sinjalizuan për hyrje-dalje të shpeshta në banesën e tij. 30-vjeçari, i cili punonte si punëtor ndërtimi i pakualifikuar, i priste klientët në shtëpinë e tij.
Gjatë kontrollit të banesës iu gjetën edhe dy peshore me precizion dhe thikë për prerjen e substancave.