Qeveria pak ditë parë bëri publik pezullimin e përkohshëm te lëshimit dhe regjistrimit të AMTP-ve në zonën e bregdetit. Mbi këtë debat, ish-ministri i Drejtësisë Ylli Manjani shkruan në një status në facebook se qeveria ka ja nisur këngës. Sipas tij, një VKM (vendim i këshillit të ministrave) që heq pronësinë private në tokave në bregdet, janë po ata që kanë shtëpi në këto toka.
”Ligji i kohës madje ndalonte kthimin dhe ndërtimin në vijën bregdetare (300 m). Por fakt është hartuesit dhe miratuesit e VKM anti-pronë, kanë të gjithë shtëpi në këtë breg”,-shkruan Manjani.
Në mënyrë që VKM për pezullimin e regjistrimit të AMTP-ve në zonat e bregdetit të jetë e pranueshme, ish-ministri shton se duhet ta fillojnë nga shtëpitë e tyre. ”Përndryshe mos bëjnë gam-gam kot se nuk janë as sa partizanët e Enverit, të cilët i morën pasuritë private për tja dhënë shtetit e jo për shtëpitë e tyre”.
Statusi i plotë
Anti-pasuri…
————
Kur njerëzia kënaqen duke kënduar këngën “skam ç’e dua pasurinë”, qeveria është “legjitime” të bëjë çtë dojë me pronat!
Po një pyetje kam: Kjo VKM që heq pronësinë private të tokave në breg, a do ta pastrojë bregun e detit në Durrës e Golem?
Edhe aty njësoj të fallsifikuara ishin letrat…
Ligji i kohës madje ndalonte kthimin dhe ndërtimin në vijën bregdetare (300 m). Por fakt është hartuesit dhe miratuesit e VKM anti-pronë, kanë të gjithë shtëpi në këtë breg…
Unë jam nga ata që i uroj: Ti gëzojnë! Sepse e dua pasurinë.
Por që VKM e tyre të jetë e pranueshme disi, duhet ta fillojnë nga shtëpitë e tyre.
Përndryshe mos bëjnë gam-gam kot se nuk janë as sa partizanët e Enverit, të cilët i morën pasuritë private për tja dhënë shtetit e jo për shtëpitë e tyre.
