Familjarët e të mbyturve në tragjedinë e Otrantos janë mbledhur në Vlorë për të përkujtuar tragjedinë që u mori jetën 105 personave, një pjesë e të cilëve ishin gra dhe fëmijë të mitur.
Ngjarja e rëndë ndodhi më 28 mars 1997 ku anija ‘Katër i Radës’ me të cilën udhëtonin 115 persona u përplas nga anija ushtarake italiane Sibilla duke u mbytur.
Familjarët kanë kërkuar drejtësi për të afërmit e tyre duke thënë se nuk do ndalen derisa ta gjejnë atë. Për tragjedinë janë zhvilluar shumë seanca gjyqësore dhe ka pasyr vetëm dy dënime simbolike të drejtuesve të anijeve respektive.