Kryetari i Partisë Demokratike Lulzim Basha ka replikuar ashpër ndaj kryeministrit Rama dhe qeverisë Rama 2. Nga foltorja e Kuvendit Basha theksoi se tarifat shkollore të Universitetit do rriten.
“Të dashur studentë, tarifat e universitetit do vazhdojnë të rriten dhe të gjitha këto para shkojnë në xhepat e kryeministrit dhe të oligarkëve të tij”- tha Basha në Kuvend.
Kujtojmë se pak ditë më parë studentët organizuan protestë para zyrës së Ramës për tarifat e larta të universitetit. Edhe pse u zhvillua protesta, qeveria nuk mori asnjë vendim duke i lënë ato tarifa, të cilat janë shumë të larta duke marrë parasysh të ardhurat për familjet shqiptqare.