Konferencën e Kryetarëve vendosi datën 8 shkurt për të zhvilluar seancën për diskutimin e kërkesës së opozitës për mocion me debat në lidhje me votën e Shqipërisë në OKB për statusin e Jeruzalemit.
PD dhe LSI në kërkesën drejtuar kuvendit kërkojnë që qeveria të rishikojë votën e saj në OKB.
“Partia Demokratike gjykon se miratimi nga ana e qeverisë shqiptare e këtyre rezolutave, godasin vendimin e ShBA-së, si një akt flagrant në kundershtim me interesat kombëtare. Qeveria ka vepruar pa informuar Kuvendin e pa u konsultuar me Komisionin të Punëve të Jashtëme, si dhe duke perjashtuar Presidentin e Republikës nga procesi konsultativ-vendimmmarrës. Për këtë arsye, Partia Demokratike kërkon rishikimin e votës pro të qeverisë shqiptare dhe të deklarojë një qendrim jo miratues ndaj kesaj rezolute.”
