Një kriminel shqiptar i dëbuar për kryerjen e një vargu vjedhjesh është burgosur pasi u kthye sërish në Britani në mënyrë të jashtëligjshme dhe u kap duke mbajtur një orë të shtrenjtë që kishte vjedhur.
Daily Mail i ka kushtuar një artikull të gjatë, shqiptarit Dorian Puka, 23 vjeç, i cili u burgos fillimisht për nëntë muaj në vitin 2016-të dhe u dëbua pasi u përpoq të hynte me forcë në një pronë, teksa i zoti i shtëpisë e zbuloi. Gjithashtu ADN-ja e tij e lidhi atë me një tjetër vjedhje në Ealing, në perëndim të Londrës.
Ai u burgos në janar 2016-të në Gjykatën Isleworth Crown, teksa gjyqtari Robin Johnson i tha: “Ju nuk keni qenë në këtë vend për një kohë të gjatë dhe sipas oficerit të provës, jeni një emigrant i paligjshëm”.
Gjykatësi urdhëroi dëbimin e tij, i cili u zhvillua në nëntor të vitit 2016-të.
Por brenda 12 muajsh, Puka u kthye ilegalisht dhe jetonte në Greenford, vetëm pak kilometra nga kishte kryer vjedhjet më parë.
Më 16 nëntor të vitit që kaloi, teksa policët patrullonin zonën si pasojë e rritjes së vjedhjeve, ata ndaluan Pukën dhe panë orën e tij të shtrenjtë.
Një zëdhënës i policisë së Kingston tha: “Ai u kontrollua dhe iu zbuluan sende të ndryshme duke përfshirë ora meshkujsh dhe femrash të shtrenjta, së bashku me një portofol që ai nuk mund ta justifikonte vlerën e tij”.
Puka u arrestua me dyshimin për vjedhje dhe u arrestua, teksa kontrollet zbuluan sendet e vjedhura më parë.
Puka pranoi akuzat për vjedhje dhe gjykata e dënoi për tre vjet e gjysmë.
Një zëdhënës i policisë tha: ‘Ai do të dëbohet pas dënimit të tij’.
Ekspertët thanë se rasti është një tallje me kontrollet kufitare të Britanisë.
David Green, i institutit Civitas, tha: “Kjo tregon se ka diçka që nuk shkon mirë me sistemin e imigracionit, nëse dikush që është dëbuar mund të kthehet sërish”.