Edi Rama, ka përsëritur mendimin e tij për kryetarin aktual të Partisë Demokratike, Lulzim Basha, për të cilin u shpreh se ai është djalë i mirë dhe artist.
Ndërsa moderatori i emisionit “Top Story” Sokol Balla, i kujtoi Ramës deklaratat e Bashës, i cili e krahasoi Shqipërinë me Korenë e Veriut, sa i përket investimeve të huaja, Kryeministri e mori me sportivitet duke u përgjigjur sërish me shprehjen se Basha është djalë i mirë.
“Sikur t’ju them ç’më ka thënë Lulzim Basha mua, do dëgjonim njeri-tjetrin deri në mëngjes dhe do qeshnim. Është djalë i mirë. Por siç e kam thënë është artist, ka një aftësi për të menduar atë që nuk thotë dhe për të thënë atë që nuk mendon”, tha Rama.