Dritan Hila përmes një postimi në rrjetet sociale shkruan se politika e jashtme nuk është terren për anarkistët apo idealistët pasi është shumë prozaike dhe llogaritëse. Hila ka reaguar ndaj diëskutimeve mbi qëndrimin e mbajtur nga Shqipëria në OKB, ku në debat është përfshirë edhe Fatos Lubonja.
“Fatos Lubonja nuk është as i majtë dhe as i djathtë. Është anarkist. Një mishele e revolucionareve rusë të viteve ‘900 dhe atyre liverpulas të viteve ‘70/të.
Kur të gjithë brohorisnin për Ramën, ishte zëri i vetëm që ankohej se qyteti po kthehej në fjetore.
Në të majtët e anatemonim ndërsa të djathtët e brohorisnin, besoj edhe ata pa kuptuar pse e bënin.
Ndaj është i vetmi që e pranoj të diskutojë për votën në OKB. Gjithë të tjerët ose janë të paguar ose nuk marrin vesh ose kanë një hall. Por me të vetmin korigjim: politika e jashtme nuk është terren për anarkistët apo idealistët pasi është shumë prozaike dhe llogaritëse”, shkruan Hila.
