Qeveria e ka mëndjen tek kamerat, tek shoë televiziv dhe jo për të ndihmuar banorët në nevojë. Kjo ka qenë e akuza e ngritur nga Endrit Braimllari, Deputeti i LSI i zgjedhur në Qarkun e Tiranës. Braimllari duke marrë fjalën në komisionin e sigurisë, ku ishte i pranishëm zv/Ministri i Mbrojtjes, Petro Koçi, u shpreh se qeveria i shkon pas kamerave, por jo banorëve.
“Ju thatë këtui se keni bërë urën në darzezë përmes FA, po është e vërtet dhe shumë mirë që është bërë, por nuk mjafton. Banorët janë në mëshirë të fatit dhe nuk do dëmbshpërblehen, pasi për këtë ju duhet të kishit shpallur gjëndjen e emergjencës, pse nuk e bëtë këtë?”, pyeti Braimllari.
“Në Kavajë, pjesë e qarkut të Tiranës, Golemi dhe Synej janë shumë të goditura nga përmbytjet dhe rrëshqitejt e dheut, dhe ju as që i jeni afruar, pasi nuk kishte kamera atje”, vijoi deputeti i LSI.