Policia kufitare në Morinë ka arrestuar Jakup Smailin, shtetas kosovar i dënuar me burgim të përjetshëm në Gjermani dhe i shpallur në kërkim për vrasje.
Jakup Smaili, 60 vjeç, ka lindur dhe banon në Verbicë. Autoritetet gjyqësore gjermane kanë lëshuar urdhër arresti me nr.1211 AR 1128/93, datë 27.01.2006, për kryerjen e veprës penale “Vrasje”, parashikuar nga Kodi Penal Gjerman. Maksimumi i dënimit, burgim i përjetshëm. Materialet iu kaluan Prokurorisë së Rrethit Gjyqësor Kukës për veprime të mëtejshme.