- Një alarm është dhënë mëngjesin e sotëm në Uashington, ku shërbimet e sigurisë kanë parë një njeri të dyshimtë në oborrin e ndërtesës së Shtëpisë së Bardhë.
Agjentët e Shërbimit Sekret kanë ndaluar një njeri, i cili po bënte veprime të dyshimta, shkruajnë mediat amerikane.
Alarmi është dhënë në pjesën veriore të oborrit të Shtëpisë së Bardhë. Agjentët kanë ndaluar personin e dyshimtë.
Bulevardi “Pensilvania’ dhe parku ‘Lafayette’ janë mbyllur për këmbësorët. Stafi dhe gazetarët e pranishëm u urdhëruar që të mos dilnin nga ambientet e brendshme.
Incidenti ka ndodhur në momentin kur presidenti Donald Trump ishte duke u nisur për turin e tij 12 ditor në Azi.